Ярыгин аттыг маргылдаага чедиишкиннери дээш тыва мөгелерге 700 муң рубль түңнүг шаңналды тускайлаан

Иван Ярыгин аттыг Гран-при серияның хостуг хүрешке делегей чергелиг маргылдаазынга шылгараан тыва спортчуларга «Чемпионнарның Чүректери» деп ачы-буян фондузу деткимчени көргүскен. Бо удаада 57 кг чедир деңзилиг мөгелер аразынга Начын Монгуш тиилээн — он ажыг чыл эрткенде турнирниң алдыны тыва мөгеге катап келген. Тывадан сөөлгү триумфатор 2013 чылда Опан Сат болган.

Ол ышкаш маргылдааның медалистери: мөңгүн медальды чаалап алган Бады-Маадыр Самдан (97 кг) база хүлер медальга төлептиг болган Чаян Монгуш (65 кг).

Чедиишкиннер дээш фонд спортчуларга акша шаңналдарын тывыскан:

- Начын Монгушка Европа чемпионадынга белеткениринге 300 муң акша,

- 200 муң акша - Бады-Маадыр Самданга база Чаян Монгушка,

- 100 муң рубль — 97 кг деңзи категориязынга тиилээн Магомед Курбановка.