Тывага «Чемпионнарның чүректери» деп ачы-буян фондузунуң организастааны республика чергелиг аът чарыжы болуп эрткен

Маргылдаа чугула болуушкун болуп, республиканын чылгычыларын демнээн: 244 мунукчуну каттыштырган. Оларның аразында үш назы-хар аайы-биле киржикчилер бар. Чарышка 53 ийи харлыг чүгүрүк аъттар, 117 тыва уксаалыг аъттар болгаш 74 абсолюттуг зачет киржикчи киришкен. Киржикчилерниң назы-хары 14-тен 54 харга чедир болган.

Ол чарыштың бир онзагай талазы дээрге республикага бир дугаар белерниң чарышка киржилгези-биле эрткен маргылдаа. Ол чорук Тывага аът күш-культуразын сайзырадырынга, чаа аргаларны ажыдып, селекция баазазын байлакшыдырынга таарымчалыг байдалды тургузуп турар. Бе шыдамыы болгаш күжү-биле өске чүгүрүк аъттарга тура дүшпес болгаш оон-даа шыырак кулуннарны берип болурунче база кичээнгейни салып турар. 

Ийи харлыг чүгүрүк аъттар категориязынга Бай-Тайгадан Иргит Ай-оол тиилекчи болган. Ооң Кара-Кыс деп бези бир дугаар кирип келген. Ол болуушкун чаа арганың дээштииниң бадыткалы болган.

Маргылдааның тиилекчилери:

Ийи харлыг чүгүрүк аъттар:

1. Иргит Ай-оол (Бай-Тайга)

2. Монгуш Чимит (Улуг-Хем)

3. Болгум-оол Адыгжы (Чеди-Хөл)

4. Бегзи-Хуурак Аян (Чеди-Хөл)

5. Оюн Алим (Таңды)

Тыва уксаалыг аъттар:

1. Салчак Роберт (Кызыл кожуун)

2. Монгуш Эдуард (Чөөн-Хемчик)

3. Монгуш Артыш (Чөөн-Хемчик)

4. Белек Валерий (Улуг-Хем)

5. Монгуш Валерий (Чөөн-Хемчик)

Абсолюттуг категория:

1. Доржу Айдаш (Бай-Тайга)

2. «Чемпионнарның чүректери» фондузу

3. Балчый Серен-Доржу (Улуг-Хем)

4. Ондар Семен (Чөөн-Хемчик)

5. Ондар Аян (Чөөн-Хемчик)