Европа чемпионадынга тиилээн Начын Монгушка 700 муң рубльдуң премиязын тывыскан
"Чемпионнарның Чүректери" деп ачы-буян фондузу хостуг хүрештиң мөгези Начын Монгушка 700 муң рубль түңнүг саң-хөө деткимчезин көргүскен. Дузаламчыны делегей маргылдаазынга спортчу улаштыр белеткээринче угландырган.
2025 чылдың апрель 8-те Тывадан спортчу 57 кг чедир деңзиге Европа чемпионадының алдын медалын чаалап алгаш, түңнел сегиржип алыышкында Сербияныӊ төлээзи Азамат Тускаевти Начын Монгуш тиилээн.
"Тура-соруктуң күжү чаныш-сыныш чогу болгаш күзелге бүзүрели езулуг хуулгаазыннар болдуруп турар дээрзин Начын бадыткаан. Бис аңаа чоргаарланып, ооң чаа бедиктерже оруунга үлүг-хуувусту кииргенивиске өөрүп тур бис. Аныяк салгалды боттарының үлегери-биле сорук киирип чоруур кижилерни деткиири бистиң хүлээлгевис", — деп Фондунуң үндезилекчизи Меңги Чудак демдеглээн.
Начын Монгуш мооң мурнунда Россияның чемпиону болгаш делегей чергелиг улуг маргылдааларның призеру болуп турган. Ооң Европа чемпионадынга тиилелгези спортчунуң бодунга-даа, Тываның бүгү спорт школазынга-даа улуг чедиишкин болган.
Чурук галереязы
