Сенатор Дина Оюн СВО киржикчилеринге дузалашканы дээш "Чемпионнарның Чүректери" фондунуң үндезилекчизинге өөрүп четтириишкинни дамчыткан

Тыва республикадан Федерация Чөвүлелиниң сенатору Дина Оюн тускай шериг операциязының киржикчилерин деткээн үлүг-хуузу дээш "Чемпионнарның Чүректери" ачы-буян фондузунуң үндезилекчизи Меңги Чудакка өөрүп четтириишкин бижиин тывыскан.

Ужуражылга чылыг-чымчак байдалга эрткен.Фондунуң чорудуп турар ажылын сенатор чугула үнелээн. 2020 чылдан тура мурнакчы одуругга доктаамал дузаны көргүзүп турарын абаз демдеглээн.

"Дуза кадарының чаңгыс дүрүмү - ооң орнунга чүнү-даа манавазы. Оон башка ол санаашкын-дыр. Ол үзел-бодалды сагып турар бис, ынчангаш сенатор Дина Ивановна Оюннуң манаваанывыс өөрүп четтириишкини биске ийи катап өөрүнчүг болган", - деп Меңги Чудак демдеглээн.

Сенаторга фондунуң ажылынче кичээнгейни салырын Россияның Маадыры Чалым Чүлдүм-оол саналдаан.

"Сенатор-биле ужурашкан соонда, чамдык чүүлдерже көрүш өскерилди. Идейжи улус-биле черле ындыг болгай. Улаштыр дам ажылдаар бис: өөрүп четтириишкин биске күш киирер идиг-дир", - деп, ол немээн.