Национал хүреш школазынга чаа спортчу дериг-херекселдерни белекке берген

"Чемпионнарның Чүректери" ачы-буян фондузу Кызылда "Алдар" деп национал хүреш школазынга спортчу дериг-херекселдерни - хүреш маттарын болгаш сумо кичээлдеринге ажыглаар дериг-херекселдерни - дамчыткан. Школаның үндезилекчизи Тыва республиканың Күчүтен мөгези Эрес Кара-Салдың дилээ-биле дузаны көргүскен.

"Алдар" школазы 2018 чылдан эгелеп ажылдап, уруглар болгаш аныяктар аразында спорттуң национал хевирлерин идепкейлиг сайзырадып турар. Бөгүн ында 200 ажыг аныяк спортчулар өөренип турар.

"Езулуг мөгелер аренага тиилээринден аңгыда келир үениң салгалдарынга езу-чаңчылдарны сайзырадыр болгаш дамчыдар дээш бүгү-ле аргаларны кылып турарлар", - деп фондуда демдеглээш, школаның өөреникчилеринге чаа-чаа тиилелгелерни күзээннер.

Спортчу дериг-херекселди Москвадан чагыдып алгаш, эң кыска хуусаада Тываже эккеп берген.