Улуг салгалга частың езулуг байырлалын эрттирген

Бүгү делегейниң херээженнер хүнүнде "Чемпионнарның Чүректери" ачы-буян фондузу Кызылда хоочуннар бажыңының аалчыларынга байырлыг хемчегни эрттирген.

Аалчыларга чүгле концерт программазын эвес, харын тааланчыг сюрпризтерни база белеткээн. Чалаткан баш таарыкчылары болгаш визажисттер улуг назылыг херээженнерге онза чараш болурунга дузалашкан, а тюльпаннарның боодал чечектери оларның күш-ажылы, сагыш човаашкыны болгаш амыдыралчы оруу дээш хүндүткелдиң болгаш өөрүп четтириишкинниң демдээ апарган.

Байырлыг концерт-биле Тыва Республиканың алдарлыг артисттери Андрей Монгуш, Игорь Көшкендей, а ол ышкаш "Хөөн" деп вокал студиязы бараан болганнар. Оларның күүселдези көрүкчүлерге чылыг үнелелди берип, өөрүшкүлүг болгаш таарымчалыг байдалды тургускан.

"Оларның чырып турар карактарын, хүлүмзүрүүн көөрү, өөрүп четтириишкинниң сөстерин дыңнаары - үнелеп четпес эртине. Амыдыралын өскелерге бараалгаткан кижилерге буян бээри - бистиң сорулгавыс", - деп фондунуң төлээлери демдеглээн.